Neibb, ekki hætt að blogga 
var bara haldin smá
bloggfælni í nokkra daga.... 
Á meðan hefur ýmislegt á daga mína drifið....
- Skrapp til Eyju og Baldurs á Bæ á Selströnd og var hjá þeim í
nokkra daga. Þetta var mín fyrsta ferð á vestfirði og ég varð ekki
fyrir vonbrigðum. Þar sem Bær stendur 3 km fyrir utan Drangsnes
skruppum við að sjálfsögðu í heitu pottana í fjörunni og þar
var yndislegt að sitja undir stjörnubjörtum himni og norðurljósum
og hlusta á fuglana og öldurnar í fjörunni.
- Fór með heimilisfólkinu á Bæ í dagsferð í Norðurfjörð með
viðkomu í Djúpuvík, Trékyllisvík, á Gjögri og á Munaðarnesi.
Ég varð fyrir óútskýranlegum hughrifum í þessari ferð, upplifði
nýja hlið á landinu, gífurlega einmana og yfirgefna....
hughrifin voru mest í Djúpuvík, þangað ætla ég aftur!
- Nú svo urðu bæði ég og kötturinn lasinn... jamm kötturinn minn
fékk flensu, fékk sprautur og pillur og var ótrúlega aumur í 2
daga.... lá bara og slefaði.... (kötturinn sko, ekki ég 
)
- Nú svo lenti ég í afskaplega pínlegu atviki fyrir nokkrum
dögum þegar ég skrapp út á stétt að sækja köttinn og útihurðin
skelltist í lás á eftir mér.... ég var semsagt lyklalaus á
náttfötunum og berfætt úti á götu, veik og símalaus.... og
inni var hrísgrjónagrautur á eldavélinni alveg að fara að
sjóða.... mér tókst að finna stúlkur sem lánuðu mér síma og faðir
minn bjargaði mér úr vandræðunum frekar fljótlega.... en ekki nógu
fljótt til þess að bjarga grautnum, nú eða pottinum.... ég held að
brunalyktin sé enn í íbúðinni... 
- núna var ég að koma af frumsýningu á nýrri heimildamynd sem
heitir Tímamót. Frábær mynd sem kom skemmtilega á
óvart! Hér er hægt að kynna sér myndina:
http://www.youtube.com/watch?v=0LqBQXwvhYI
og hér er hægt að sjá stutt atriði úr henni
hér:
http://www.youtube.com/watch?v=l7POY-vTw8o
Ég hvet ykkur til að sjá þessa einlægu og fallegu
mynd 